Иднината на гејмингот лежи во рацете на вештачката интелегенција
Во април 2020 година, компанијата Sony оформи посебен сектор кој ќе работи на развивање на вештачка интелегенција за повеќе намени и производи, дознаваме дека работат на многу понапреден вид на AI од тој што моментално го имаме во игрите на Playstation. Целта на овој проект, е да се изработи вештачка интелегенција која ќе ги учи сите потези и стилот на играта на еден гејмер, со цел да може да генерира поефикасни противници и/или пријатели, да сугерира поатрактивни места за посета и да ви ја доврши мисијата доколку сами не би можеле. Овој систем многу ќе помогне за игрите каде гејмерот треба сам да донесе одлука и според таа одлука да се развива текот на играта, вештачката интелегенција ќе го препознае неговиот начин на игра и токму во негова корист ќе генерира приказна која најмногу ќе одговара за него.
Извршниот директор на Sony, Kenichiro Yoshida проговори за соработката помеѓу двата сектори на компанијата (AI и гејминг секторот):
„Sony AI, which we established last year, has begun a collaboration with PlayStation that will make game experiences even richer and more enjoyable. By leveraging reinforcement learning, we are developing Game AI Agents that can be a player’s in-game opponent or collaboration partner.”
Патентот кој компанијата го регистрира го има следниот наслов: „Профил на вештачка интелегенција која го учи начинот на игра од еден гејмер”
