Комикс МК Non-Spoiler Рецензија – “Deadpool & Wolverine” директно од Cineplexx MK

Се одржа НАЈНЕКОРЕКТНАТА премиера во Македонија и беше една од најпосетените премиери на Балканот со 958 продадени билети!

Би сакале да им се заблагодариме на Cineplexx MK за прекрасната организација, на сите учесници, спонзори и помагачи, и најмногу на Вас фановите кои покажавте дека заедницата е посилна од било кога, токму во моментот кога овие два ПСИХИЧКИ НЕСТАБИЛНИ ликови го спасуваат филмскиот универзум на Marvel, во буквална смисла.

Слики од вчерашната премиера може да погледнете ТУКА.

Бидете предупредени дека некои делови од рецензијата би можеле да ви делуваат непристојно или непрофесионално, но намерно така е напишана рецензијата, во стилот на Deadpool, 18+ (или Cineplexx што би рекле, филмот според закон во Македонија е 16+, ама ќе се правиме наудрени и сите ќе ги примиме бидејќи заслужуваат!.)

А сега што мислиме за филмот? СЕ МОЖНО ЕБ*НО НАЈДОБРО!

Најпрво, отворањето на филмот и целиот тој сегмент беше генијален, нешто кое може да произлезе само од умот на Ryan Reynolds. Се ИСКИНАВМЕ од смеење, а и акцијата беше БЕСНО добра! Можеби една од најјаките “Opening Scenes” во Marvel филмовите.

Филмот е напишан да служи само на фановите, и тоа го прави беспрекорно и без никаков срам! Исто како во рака да држите еден од појаките Deadpool или Wolverine стрипови, само тука го гледате тоа и е многу ПОЈАКО бидејќи е игран филм.

Приказната е сосема ОК, динамична, брза, полна со емоции и нетолку комплицирана, токму погодена како за Deadpool филм. Меѓутоа овој пат се е на едно ниво погоре, световите, мисијата, причините и пожртвуваноста, си има тежина самото тоа што Deadpool и Wolverine влегуваат во филмскиот универзум на Marvel. Иако дејствата се случуваа во MCU, филмот се чувствуваше како засебна приказна, што според нас е сосема супер, сепак сме сигурни дека во иднина овие ликови ќе ги видиме во МНООГУ поголем групен филм. Плус TVA и Deadpool може и понатаму да биде бескрајна приказна.

Кога станува збор за шегите и дијалозите, тие беа пресмешни и преинтересни, се осеќа дека Ryan дал се од себе, а неговата креативност се исплати и тоа како! Динамиката помеѓу Deadpool и Wolverine е главниот водич на филмот, уште од првиот момент се чувствува природно, како да сте ги гледале заедно со години наназад (освен во тој филмот каде што беа заедно во истите улоги ама се договоривме НИКОГАШ ПОВТОРНО ДА НЕ ЗБОРУВАМЕ ЗА ТОА). Исто така, HUGH FUCKING JACKMAN, не потсети какво актериште е и каква улога е ова за него, незаменлива! Доживеавме КРВАВО ДОБРИ И ТОТАЛНО BADASS Wolverine/Logan моменти кои засекогаш ќе ни останат во сеќавање.

Малку е тешко да се дискутира без спојлери, но ВИЕ АПСОЛУТНО НЕ СТЕ СПРЕМНИ ЗА КАКВИ ИЗНЕНАДУВАЊА И CAMEOS има во филмот. Искрено, ама најискрено, ништо од ова не очекувавме и добивме МНОООГУ повеќе од нашите очекувања. Доживевме уште едно ЛУДО ДОБРО кино искуство кое ќе го паметиме со најдобрите, во секој голем и помал момент, имаше реакции, аплауз и урлање. Токму тоа го бараме од MARVEL STUDIOS (како и сите други Comic Book) филмови.

Песните беа одлично вклопени, исто така и визуелни ефекти беа добри, темпото си беше брзо и непрекинато, се си беше на свое место. Доволно време за сите дејстија да се развијат, и апсолутно НЕДОВОЛНО време со двата ПСИХИЧКИ НЕСТАБИЛНИ ликови, ама ова го кажуваме на шала, бидејќи ни 9 часа филм со нив двајца нема да ни е доволно…

Единствено нешто за кое имавме замерка, е главната негативка која иако беше моќна и непокорлива, таа не ни остави посебен впечаток и значење. Многу беше “One Dimensional Villain”, а можеби бидејќи ни фалеше повеќе време со нејзе…

Како за крај, би сакале да напишеме дека “Deadpool & Wolverine” е љубовна приказна за сите Филмаџии, Стрипаџии и Марвелаџии, треба да го гледаме токму таков каков што е, ЛУДИЛО Comic Book филм кој има бескрајна забава и интересни случувања. ОГРОМНО благодарам до целата екипа позади филмот, изработиле едно дело кое има неописливо значење и дефинитивно ќе се овековечи помеѓу најдобрите. МОРА ДА ГО ГЛЕДАТЕ ВО КИНО, ПО СЕКОЈА ЦЕНА! Верувајте дека вреди.

8.7/10

P.S. Како за прв R-Rated филм на Disney, тие го искористиле рејтингот максимално добро, брутално и крваво!